Рецептите го испрати нашата читателка Билјана Лазарова.
Потребни состојки:
- една главица кромид
- 500-600 гр. мелено месо
- 2 чешниња лук
- ситно исецкан магдонос
- 1,5 лажица брашно
- сол, црвен пипер и вегета по вкус
- 2 лажици павлака
- ситно сецкани маринирани печурки
- 1 мало лажице презла
- 1 јајце
- доматно пире
- кашкавал
Постапка:
Најпрво се запржува кромидот, а потоа се додаваат меленото месо, лукот и магдоносот. По кратко време се додава брашно, сол, пипер, вегета и павлака. Се остава да се излади, по што се додаваат печурките, презлата и јајцето и сето тоа убаво се меша.
Се полнат канелоните и се редат во претходно намачкан плех со масло. На крај се додава и доматното пире, кое се залева со вода. Плехот се става во претходно загреана рерна и се остава да се пече на 180°. Пред крајот се вади плехот и се додава изрендан кашкавал, а потоа се враќа назад во рерната за да се стопи кашкавалот.
*(Канелоните може да се полнат и со спанаќ и сирење)
Домашно лепче
Потребни состојки:
- Пола квасец,
- 1 мала лажица шеќер,
- 1,5 дл. вода
- 2 дл јогурт или павлака
- 4 големи лажици масло
- 1 мала лажичка сол
- 500 гр. брашно (по потреба и повеќе)
Постапка:
Квасецот, шеќерот и водата се мешаат и се оставаат да отстојат пет минути. Потоа се додава јогуртот или павлаката, по кратко време и маслото и солта. Сето тоа се меша додека да се соедини и накрај се додава брашно онолку колку што е потребно. Се остава на топло (покриено) да стаса 30 мин. Потоа се размесува и се сука кора.
