![](https://zenanazena.com/wp-content/uploads/2024/06/uday-mittal-bwktz4yvtma-unsplash-scaled.jpg)
Во секојдневниот живот изразите стрес и анкисозност често се употребуваат за опишување на исто чуство. Иако се поклопуваат, сепак имаат различно значење. Од биолошко гледиште, стресот е природна реакција на организмот кога е соочен со опасност. Може да се подобри нашата способност за реагирање во потенцијално опасна или предизвикана ситуација, пренесува krka-farma.hr
Кога сте под стрес, причината за тоа е обично позната – на пример, имате рок за важен документ или, пак, ви се расипал автомобилот среде прометна улица. Но кога тој одбранбен механизам се активира без позната причина или кога вашата реакција на стрес е претерана или долготрајна, тогаш можеме да говоориме за анксиозност или анксиозно нарушување.
„Една од три личности ќе доживее анксиозно нарушување во текот на својот живот. Барањето помош не е знак за слабост. Тоа е одговорно постапување бидејќи шансите за подобрување се поголеми кога анксиозноста ќе почне да се третира рано.“
Што се случува со нашиот мозок?
Нашите реакции на стрес се автоматски и вродени. Во текот на еволуцијата, стравот и паниката што би се активирале во мозокот на нашите предци значеле дека тие имале поголеми шанси за преживување.
Амигдалата, дел од мозокот кој придонесува за емоционално процесирање, игра важна улога во одговорот на борба или бегство. Кај анксиозните луѓе, амигдалата е чувствителна на стимули од околината, на кои одговара со интезивно стресна реакција и крајот предизвикува гасење на врските во мозокот кои се одговорни за расудување.
Добри вести: И самите можете многу да научите
Можете да го „тренирате“ мозокот да го пренасочи својот одговор на стресни стимули кои можат да предизвикаат анксиозност. На пример, кога ќе сфатите дека најлесниот начин да ги завршите секојдневните задачи е да им пристапите една по една, според нивниот приоритет. За да го направите ова, треба да го поттикнете рационалниот дел од мозокот да го надмине емотивниот дел и да ги „скроти“ чувствата на страв и вознемиреност што можеби ги чувствувате.
Бидете свесни за вашите чувства.
Кога ќе почнете да чувствувате страв, непријатност или напнатост, престанете со она што го правите и фокусирајте се на вашето дишење. Вдишете и издишувајте длабоко и рамномерно. Ова ќе ви помогне да се смирите и да ја намалите напнатоста во вашето тело.
Бидете позитивни.
Дури и ако сè уште не сте ја постигнале целта, бидете горди на вашиот напредок. Негувањето на позитивен став ќе доведе до успех.
Разговарајте за вашите проблеми.
Отворениот разговор со најблиските може да ви помогне да ја одредите причината за вашиот стрес. Тогаш поефикасно ќе се соочите со ситуацијата.
Не брзајте.
Кога го планирате денот, погрижете се да најдете малку време за да се опуштите и дружите. Размислете што ве прави среќни и изоставете некои работи од распоредот кои не придонесуваат ништо за вашата благосостојба.
Ограничете го внесот на кофеин и алкохол.
Кофеинот и алкохолот можат да го зголемат вашиот стрес. Наместо тоа, одберете вода и природни овошни сокови.
Додадете малку боја во вашите оброци.
Здравата и урамнотежена исхрана со многу овошје и зеленчук може да помогне во одржувањето на вашиот имунолошки систем, кој го поддржува вашето здравје кога сте под стрес.
Спијте добро.
Ако спиете седум или повеќе часа во текот на ноќта, можете да ја подобрите концентрацијата, меморијата и продуктивноста, како и природната одбрана на телото.
Вежбајте секој ден.
Бидете физички активни. Активностите на отворено го подобруваат вашето ментално и физичко здравје.
Што ако се чувствувам како ништо да не можам да направам?
Анксиозноста може да се третира со ефективни и безбедни антидепресиви. Тешко е да се избегне секојдневниот стрес. Со ослободување на време за релаксација и негување здрав начин на живот, можете многу да придонесете за вашата ментална и физичка благосостојба.
Текстот е преведен и преземен во целост од порталот на хрватската фармаколошката компанија Крка. Референците кои се употребени во нивниот текст, автентично ги пренесувам и овде:
- Dernovšek MZ, Gorenc M, Jeriček H. Ko te strese stres : kako prepoznati in zdraviti stresne, anksiozne in depresivne motnje Ljubljana: Inštitut za varovanje zdravja Republike Slovenije, 2006
- Dernovšek MZ, Valič M, Konec Juričič N. Obvladajmo anksioznost : priročnik z delovnimi listi za vodje delavnic in predavatelje. Ljubljana: Društvo za pomoč osebam z depresijo in anksioznimi motnjami, 2011
- APA. What’s the difference between stress and anxiety? [internet]. 2020. American Psychological Association 2021 [cited 18.2.2019] Dosegljivo na: https://www.apa.org/topics/stress/anxiety-difference
- Inštitut za razvoj človeških virov. Biopsihologija stresa in izgorelosti. [internet]. 2018. [cited 15.2.2019]. Dosegljivo na: https://www.burnout.si/izgorelost-sai/stres-sai/biopsihologija-stresa-in-izgorelosti
Слики: Unsplash.com